ਗਣਤੰਤਰ ਦਿਵਸ ਪਰੇਡ ਵਿੱਚ ਭਾਗ ਲੈਣ ਵਾਲੇ ਐਨਸੀਸੀ ਕੈਡਿਟਾਂ ਦਾ ਸਨਮਾਨ
ਐਨਸੀਸੀ ਗਰੁੱਪ ਹੈੱਡਕੁਆਰਟਰ ਅੰਮ੍ਰਿਤਸਰ ਵੱਲੋਂ ਦਿੱਲੀ ਗਣਤੰਤਰ ਦਿਵਸ ਪਰੇਡ ਵਿਚ ਭਾਗ ਲੈਣ ਵਾਲੇ ਐਨਸੀਸੀ ਕੈਡਿਟਾਂ ਦਾ ਵਿਸ਼ੇਸ਼ ਸਨਮਾਨ ਸਮਾਰੋਹ ਫਸਟ ਪੰਜਾਬ ਬਟਾਲੀਅਨ ਐੱਨਸੀਸੀ ਅੰਮ੍ਰਿਤਸਰ ਦੇ ਦਫਤਰ ਵਿਖੇ ਬ੍ਰਿਗੇਡੀਅਰ ਰੋਹਿਤ ਕੁਮਾਰ ਗਰੁੱਪ ਕਮਾਂਡਰ ਗਰੁਪ ਅੰਮ੍ਰਿਤਸਰ ਵੱਲੋਂ ਕੀਤਾ ਗਿਆl ਇੱਥੇ ਪਹੁੰਚਣ ਤੇ ਉਨ੍ਹਾਂ ਦਾ ਸਵਾਗਤ ਕਰਨਲ ਵੀ ਕੇ ਪੰਧੇਰ ਸੈਨਾ ਮੈਡਲ ਵੱਲੋਂ ਕੀਤਾ ਗਿਆl ਇਸ ਮੌਕੇ ਐਨਸੀਸੀ ਗਰੁੱਪ ਅੰਮ੍ਰਿਤਸਰ ਦੇ ਅਧੀਨ ਆਉਂਦੀਆਂ ਵੱਖ ਵੱਖ ਐੱਨਸੀਸੀ ਯੂਨਿਟਾਂ ਦੇ ਕਮਾਂਡਿੰਗ ਅਫਸਰ ਹਾਜ਼ਰ ਸਨl ਆਪਣੇ ਸੰਬੋਧਨ ਵਿਚ ਬ੍ਰਿਗੇਡੀਅਰ ਰੋਹਿਤ ਕੁਮਾਰ ਨੇ ਕਿਹਾ ਕਿ ਇਨ੍ਹਾਂ ਐਨਸੀਸੀ ਕੈਡਿਟਾਂ ਨੇ ਸਾਡੇ ਗਰੁੱਪ ਅੰਮ੍ਰਿਤਸਰ ਦਾ ਨਾਮ ਅਤੇ ਪੰਜਾਬ ਹਿਮਾਚਲ ਹਰਿਆਣਾ ਚੰਡੀਗੜ੍ਹ ਡਾਇਰੈਕਟੋਰੇਟ ਦਾ ਨਾਮ ਰੌਸ਼ਨ ਕੀਤਾ ਹੈl ਗਣਤੰਤਰ ਦਿਵਸ ਪਰੇਡ ਵਿਚ ਜਾ ਕੇ ਬੱਚਾ ਬਹੁਤ ਕੁਝ ਸਿੱਖਦਾ ਹੈl ਉਸ ਦੇ ਗੱਲਬਾਤ ਅਤੇ ਵਿਵਹਾਰ ਵਿੱਚ ਬਹੁਤ ਤਬਦੀਲੀ ਆਉਂਦੀ ਹੈl ਅਸੀਂ ਇਨ੍ਹਾਂ ਕੈਡਿਟਾਂ ਨੂੰ ਸ਼ੁਭਕਾਮਨਾਵਾਂ ਦਿੰਦੇ ਹਾਂ ਅਤੇ ਆਪਣੇ ਜੀਵਨ ਵਿਚ ਸਫ਼ਲ ਹੋਣ ਦੇ ਲਈ ਅਰਦਾਸ ਕਰਦੇ ਹਾਂl ਇਸ ਮੌਕੇ ਉਨ੍ਹਾਂ ਨੇ ਕੈਡੇਟ ਅਮਨ ਪਠਾਣੀਆ,ਸੀਨੀਅਰ ਅੰਡਰ ਆਫਿਸਰ ਗੌਰਵ ਵਰਮਾ, ਕੈਡਿਟ ਅੰਜਲੀ ਸ਼ਰਮਾ ਦੇ ਵਧੀਆ ਪ੍ਰਦਰਸ਼ਨ ਲਈ ਵਧਾਈ ਦਿੱਤੀl ਉਨ੍ਹਾਂ ਨੇ ਵਧੀਆ ਪ੍ਰਦਰਸ਼ਨ ਕਰਨ ਵਾਲੇ ਐਨਸੀਸੀ ਕੈਡਿਟਾਂ ਨੂੰ ਤੋਹਫ਼ੇ ਦੇ ਕੇ ਸਨਮਾਨਤ ਕੀਤਾl ਏਕ ਭਾਰਤ ਸ੍ਰੇਸ਼ਠ ਭਾਰਤ ਕੈਂਪ ਦੌਰਾਨ ਵਧੀਆ ਸਹਿਯੋਗ ਕਰਨ ਦੇ ਲਈ ਐਨਸੀਸੀ ਅਫਸਰ ਅਨਿਲ ਕੁਮਾਰ, ਪ੍ਰਦੀਪ ਕੁਮਾਰ, ਸੁਖਪਾਲ ਸਿੰਘ, ਸ਼ਰਨਜੀਤ ਕੌਰ ਅਤੇ ਵਰਨ ਕਾਲੀਆ ਨੂੰ ਸਨਮਾਨਤ ਕੀਤਾ ਗਿਆl ਇਸ ਮੌਕੇ ਕਰਨਲ ਆਰ ਐਨ ਸਿਨਹਾ ਐਡਮਨ ਅਫਸਰ, ਸੂਬੇਦਾਰ ਮੇਜਰ ਸੁਖਬੀਰ ਸਿੰਘ, ਸੂਬੇਦਾਰ ਗੁਰਦੀਪ ਸਿੰਘ ਸੂਬੇਦਾਰ ਗੁਰਪ੍ਰੀਤ ਸਿੰਘ ਬੀਐਚਐਮ ਕੁਲਦੀਪ ਸਿੰਘ ਆਦਿ ਐੱਨਸੀਸੀ ਸਟਾਫ਼ ਹਾਜ਼ਰ ਸੀ l
